Matang Ambon

ni Frank V. Peñones Jr.

Siguro siring kaini an saimong sinabi
pantay na pagkakataytay nin mga bagay-bagay
sa uniberso sa luhang ambon nakabitin sa
espadang dahon, salming asin pugol an kinaban
sa kristal na ibabaw, ga-semilyang kabilugan,
na pinapundo an panahon sa sarong momento,
binalga an ley nin gabat asin butong kan daga
sa balanse nin sarong nagtutulay sa alambre.

Alagad, hilinga kun pa' no an siring na mata
nagiging maisog asin batbat na dagom-dagom
an saiyang ugong, kinukubanan an toninong
na mga harong. An alupoop sa mga kahoy,
bakong aso na naghahali sa mga kusina
pagka-aga kundi mga nagsilyab na pulbura.

Sta. Cruz, Iriga, July 7, 2008


Dew Eye

Perhaps this is what you had been saying
as the even alignment of things
in the universe in the teardrop dew hanging on
a sword leaf, reflecting and holding the world
on its crystal face, its seed-like fullness
which halted time in a moment,
defied the law of gravity and the pull of the earth
in a balance of a tightrope walker.

But look at how the same eye
becomes a fierce and iron dragonfly
its drone surprising the sleeping
houses. The fog in the woods,
is not really smoke coming from a kitchen
at dawn but from the spark of gun powder.

Si Frank Penones Jr. (fpj), sibot sa paghaman kan saiyang creative thesis project na may titulong P.I.: Poetry and the imagiNation, sarong koleksyon nin mga ekphrastic poems sa English na nakabase sa mga kolonyal na representasyon biswal kan Pilipinas. May pighahanda man siyang bi-lingual na koleksyon nin saiyang flash fiction sa Bikol asin English na inapod niyang "dalistorya."